Encam

Encam

Şev natebitin

Li stûkurên welatê min

Ax

Ji hatina mêvanên xwe

                               Serobino bûye

Ne gazind kêr tên li vir

Ne gotin pêç pere dike

Herdûjî hatin dotin

                 Hatin sotin

Gotin sar bû, serma heliya, ziwa hişk bû

Li welatê min!

Paxîla şevê şevneman nawelidîne

Gulek tune bêhna xwe bibarîne bilbilî

Encama sedsala welatê min ev e

                               Talan

                               Wêran

                               Êşan

Ey sedsal!

Biqulupe qirneke nû

De ka em binêrin

Bê

Neviyên neviyan dê çikin ji te

Raweste ey dem!

Şerm nake mirovahî ji kirinên xwe yên herimî

Qe nebe

Tu şerm bike…