20:20 EEST Sêşem, 14/08/2018

Hejmara Nû

İstatistik

OnlîneOnlîne : 96


ÎroÎro : 189

meha rewacdarmeha rewacdar : 2325

Hemî MêvanHemî Mêvan : 615242

Arşiv

Sayı15

Destpêk » Hejmara Nû » Werger

Desiderata

Yekşem - 07/12/2014 21:24
Desiderata

Desiderata

Nivîskarê Amerîkan Max Ehrmann Desîderata di sala 1927an de nivîsandiye û di derbarê berhemê de di rojnivîska xwe de wiha gotiye: “Ji bo ku li dû min bimîne, min dixwest ku ez li ser rûyê erdê diyariyeke nefsbiçûk, berhemeke dilpak bihêlim da ku di çend rihên torin de şewq vede.” Qasî helbestê, çîroka wê jî navdar e: Di sala 1959an de Keşîşê Dêra Ezîz Paûl, Frederîck Kates ji bo di weaz û nesihetên xwe de bikarbîne, ev helbesta ku çend sal berê bi dest xistibû, xistibû nav nîşeyên dêrê û li serî wiha nivîsîbû: “Dêra Ezîz Paul / 1692”. Dema ku ev nîşe li gel belav kiribûn her kesî wisa dizanibû ku ev berhem di sala 1692an de hatiye nivîsîn û ew bangewaziyeke aşitiyê ye ku bi rêya ezîzên dêrê hatiye şandin. Hal ev bû ku sala 1692an, sala damezirandina Dêra Paul Frederîck bû û keşîşê dêrê ji ber vê yekê li ser berhemê ev sal nivîsîbû. Piştî weşandina berhemên Ehrmannî yên paşîn, Desîderata jî di nav berhemên wî de derkete holê. Û hate femhkirin ku ev helbest ne peyameke aştiyê ye ne jî nîşaneye dînî ye. Jê têgihijtin ku ev berhem, helbesteke pexşanî (prose poem) ya Max Ehrmann e û wek şîretên bêhempa bi salan hatiye xwendin…

Desiderata*

Max EHRMANN

 

Ji îngîlîzî: Zîyaddîn YILDIRIMÇAKAR

Di nav alozî û tevliheviyê de bi awayekî xwînsar bimeşe, û ji bîr neke, di nav bêdengiyê de aramiyek heye.

Heta ji te tê dilê tu kesî ji xwe nehêle. Lê belê, ji kesî re jî stûyê xwe xwar neke. Rastiyên xwe bi dengekî nizm û eşkere bîne zimên; û guh bide yên din jî, heta ehmeq û nezanan jî; lewra çîrokeke wan jî heye.

Ji yên êrîşkar û dengên wan bilind dûr keve, ew dilê te teng dikin. Ger tu xwe û yên din bidî ber hev, tu yê yan bibî qure yan jî xemgîn; lewra her dem yên ji te çêtir an xirabtir wê hebin.

Ne tenê ji bo serfiraziyên xwe bi planên xwe jî şabe. Karê te her çiqas biçûk be jî, li ser bisekine; di nav guherîna demê de, ew gencîneya yekta ye ku wê di destê te de bimîne.

Li karê xwe miqate be, lewra dinya tijî dek û dolab e. Lê bila ev te şaş neke, gelek dilpakî jî hene. Gelek kes li pey îdealên bilind in, û jiyan li her derê bi lehengiyan tijî ye.

Wek xwe be.                                                                                                                                         

Ku dilê te ji yekî re nexwaze durûtiyê neke. Evînê jî biçûk nebîne. Di nav sarbûn û hêvîşikestinan de ew şînahiyeke bêdawî ye.

Ji ber bihurîna salan xemgîn nebe, tîştên ji ciwaniyê tên bi nazikî teslîm bike û tecrûbeya salan bistîne. Ruhê xwe têr bike da ku te ji ber hêvişikestinekê biparêze. Lê belê bi reşbîniyê jî xwe neêşîne. Lewra gelek tirs ji westîn û tenêtîyê çêdibin. Ji disîplîneke tekûz zêdetir, li xwe miqate be.

Lewra tu jî zarokekî gerdûnê yî, ne kêmtirî ji daran û stêrkan; mafê te heye ku tu li vir bî. Û tu têbigihêjî yan tênegihêjî, gerdûn dizivire wek ku divê bizivire.

Her dem di riya Xwedê de be. Di nav vê xirecira jiyanê de, daxwaz û karûbarê te çi dibe bila bibe, ji xwe hez bike.

Digel hemû derew, gemar û hêvîşikestinan, dîsa jî dinya xweş e.

Dilşad be û li rêya dilgeşiyê bigere.

Têbênî: Nivîskarê Amerîkan Max Ehrmann Desîderata di sala 1927an de nivîsandiye û di derbarê berhemê de di rojnivîska xwe de wiha gotiye: “Ji bo ku li dû min bimîne, min dixwest ku ez li ser rûyê erdê diyariyeke nefsbiçûk, berhemeke dilpak bihêlim da ku di çend rihên torin de şewq vede.” Qasî helbestê, çîroka wê jî navdar e: Di sala 1959an de Keşîşê Dêra Ezîz Paûl, Frederîck Kates ji bo di weaz û nesihetên xwe de bikarbîne, ev helbesta ku çend sal berê bi dest xistibû,  xistibû nav nîşeyên dêrê û li serî wiha nivîsîbû: “Dêra Ezîz Paul / 1692”. Dema ku ev nîşe li gel belav kiribûn her kesî wisa dizanibû ku ev berhem di sala 1692an de hatiye nivîsîn û ew bangewaziyeke aşitiyê ye ku bi rêya ezîzên dêrê hatiye şandin. Hal ev bû ku sala 1692an, sala damezirandina Dêra Paul Frederîck bû û keşîşê dêrê ji ber vê yekê li ser berhemê ev sal nivîsîbû. Piştî weşandina berhemên Ehrmannî yên paşîn, Desîderata jî di nav berhemên wî de derkete holê. Û hate femhkirin ku ev helbest ne peyameke aştiyê ye ne jî nîşaneye dînî ye. Jê têgihijtin ku ev berhem, helbesteke pexşanî (prose poem) ya Max Ehrmann e û wek şîretên bêhempa bi salan hatiye xwendin…

 



* Desîderata peyveke latînî ye. Tê wateya 'tiştên ku tên xwestin.'

Yazar: Max EHRMANN

Kaynak: nupelda

Toplam: 0 puan ve 0 oy
Bu makaleye oy vermek için yıldızları işaretleyin
Anahtar: di sala, ku ev

Son Haberler

Eski haberler

 

Ji Editor

Hejmara nû: 19

Hejmara nû: 19 Xwendevanên Hêja!   Bi hêjmara nozdehem em li pêşberî we ne. Dîsa bi xebat û nivîsên li ser edebiyat û cûreyên wêjeyê, guldesteyek têra xwe tije û amade ye. Lêbelê di Kovara xwe de cara ‘ewil e ku em cudahiyekê dikin. Ew jî amadekirina dosyayek taybet e ku heta niha...

Login site