20:19 EEST Sêşem, 14/08/2018

Hejmara Nû

İstatistik

OnlîneOnlîne : 47


ÎroÎro : 140

meha rewacdarmeha rewacdar : 2276

Hemî MêvanHemî Mêvan : 615193

Arşiv

Sayı15

Destpêk » Hejmara Nû » Pexşan

SIRRÊ YEKÎTIYÊ

Çarşem - 10/12/2014 19:10
SIRRÊ YEKÎTIYÊ

SIRRÊ YEKÎTIYÊ

Her hêl û her der û her tişt û her hebûn, ji ezel bigre heya bi ebed, bi biriqandina sirrê wehdetê ve tevhev biriqî ne. Hûn ji guliyên daran bigrin, heya baskên çûkan; hûn ji stêrkên ezmanan bigrin, heya pêwr, kadiz û kakêşanên ezmanan, ev raza, bi her alî ve çirûsk çirûsk e.

SIRRÊ YEKÎTIYÊ

 

Ahmet Sait Pakyürek

Her hêl û her der û her tişt û her hebûn, ji ezel bigre heya bi ebed, bi biriqandina sirrê wehdetê ve tevhev biriqî ne. Hûn ji guliyên daran bigrin, heya baskên çûkan; hûn ji stêrkên ezmanan bigrin, heya pêwr, kadiz û kakêşanên ezmanan, ev raza, bi her alî ve çirûsk çirûsk e.

Wekî aferîdeyan / mexlûqan gişan, ez li hember van dîmenan, matmayî mame. Mîna ava ku xwe li daran biqelibîne, mîna atmosfera ku xwe li dora cîhanê bigerîne û fena xwîna ku di tamaran de xwe digovilîne, ew sirra, wer bi lêhatinekê û wer bi biriqînekê ve eşkere û bi mexlûqan ve yekbûyî ye ku, xwe raberî her xwedîçav, xwe raberi her xwedîdil û xwe raberi her xwedîhişan dike...

Di rûyên rihberan de nav û wesfên Wî (c), wekî gupikên gulan kulîlk bi kulîlk bişkivîne. Ev navana, li gerdûna gihayan bişkivîne, li warên heywanan xuya dikine, li welatên mirovatiyê diçirûsine û li bilindayiya ferişteyan de hembêz bi hembêz şewqê belav dikine!

Bêhna çawaniyên Wî (c), yên ku di nav zîl u pelên wan kulîlkan da belav dibe, hişên min bir! Keskayî û ronahiyên ku xwe di paş wan çawaniyan de dibiriqine, ez faf û lal kirim berdam...

Di nav pileyên atmosferê de şewqa Wî (c), di rûyê deryayê de hilma Wî (c), di perên teyr û çûçikan de silava Wi (c) heye... Di dema zarokanîna diyan de giriyên zaroyan Wiya (c) tine bîra merivan; di dema hatina biharê de bişkivîna gupikên daran, mizgîna rehma Wiya (c) tîne pêş çavên mirovan; di dema erdnermbûnê de vejîn û şiyarbûna rihberan, vejînkirina Wiya (c) tîne bîra baqilan. Di dema şifaq û berbangan de, di xwendina dîk û teyran de mizgîna Wî (c) tê dayîn.           

Ey Xwediyê dem û serdeman, ey mededkarê xerîb û xemkêşan!  Me, ji çavên bi besîret, me ji guhên bi feraset û me ji dilên bawermend û bi rehmet bêpar mexîne! Di nav xewa bêxêr û bêbinî de, me mehêle! Her wext tu me bikî serwext, li herdu cîhana, tu me bikî xwedîbext! Di dema bêkesîtiyê de Tu (c) li me kesîtiyê bikî û di dema bêxwedîtiyê de, Tu (c) li me xwedîtiyê bikî!

Pîroz be jiyan, ji mirovên bixwedi re! Pîroz be vejîn ji nifşên aqilmend û çandparêz re!... Bi daxwaza hatina bihar û cejnek rasteqîn, ji her dil û her welatî re, pîroz be... 

 

Yazar: Ahmet Sait Pakyürek

Kaynak: nupelda

Toplam: 0 puan ve 0 oy
Bu makaleye oy vermek için yıldızları işaretleyin
Anahtar: n/a

Son Haberler

Eski haberler

 

Ji Editor

Hejmara; 17-18

Hejmara; 17-18   Xwendevanên Hêja,   Bi hêjmareke têr û tesel, bi xebatên fêm û ferasetdar, bi lêkolîn û lêgerînên cûr bi cûr em dîsa li pêşberî we ne.  Ji ber hin sedemên zerûrî û pêwistdar hevde û hejde weke hêjmareke hevedudanî bi hev re kete çapê û gihişte ber destê we. ...

Login site