XWEZÎ EZ DÎSA ZAR BÛMA

XWEZÎ EZ DÎSA ZAR BÛMA

Mûrad Hêvîdar

Xwezî dîsa ez zar bûma, li gundekî

hilmek jî be bûbûma biçûk lê belê weke zilamekî

Xwezî dîsa ez zar bûma, li ser riyan

pêxwas,çîptazî,birçî û bêsermiyan

Xwezî dîsa ez zar bûma, li kêleka pezekî

di devê min de bilûr û di destên min de bi darekî

Xwezî dîsa ez zar bûma, li kêleka çemekê

bifiriyama û biçûma li ser avê di demekê

Xwezî dîsa ez zar bûma, bêguneh û belengaz

ji ber kul û kederên li pêş, bikirama niyaz

Xwezî dîsa ez zar bûma, li ser çongê diya xwe

heta ji min bihata bigiriyama û bihatama xwe