XORTÊ PÎROZ

XORTÊ PÎROZ

Ahmet Said PAKYÜREK

Wê da têye çi zîrek

Bi her hêlê’v bimbarek

Dilê wî’b kul û keder

Xwe naxeltîne carek

Bijangê wî tim şil in

Dil û cîger giş kul in

Diyar e î xemgîn e

Lê, îro çav bi kil in

Bi şev li ser seccade

Bi roj ji wî’r cîhad e

Dinê giş xirab be jî

Rêya Xwedê bernade

Dengê wî diheziye

Hespa wî dibeziye

Pir tirsyayê Xwedê ye

Ji gunehan tazî ye

"Hêdî hêdî dimeşe

Nûrellah jê diweşe"

Di rû'd qe gune tune

Dil ji bo gel diêşe

Çi dibî hebkî zû ke

Penc sed sal e’l me pûk e

Me jî bibe tu bal xwe

Ev ji me’r dîlan bûk e

Dereng nemînî qet tu

Aso da bibirqî tu

Van hovana em xwarin

Xwe zû bighînî me tu