Feqîr Mame Li Kolanan

 

 

 

 

Diz ketne mala min

Birin hemî pertalê min

Vale kirin kuwarê min

Feqîr mame li kolana

 

Firotin ew tev hemî

Bi qîmetek pûç bêşermî

Weke ku tiştek ne qewmî

Feqîr mame li kolana

 

Hingî min kire cehd û xeyret

Vegerim wek berê dewlemend

Qedexe kirin ji min re serwet

Feqîr mame li kolana

 

Min hebû pênûs û qelem

Helbest û çîrokên qewî nerm

Kitêb û ramanên wilo germ

Feqîr mame li kolana

 

Folklor û cure reqsên netewî

Cejn û pîroziyên teybetî

Eser nema ji wan bi rastî

Feqîr mame li kolana

 

Çand û beratek hêja

Kete destê wan diza

Çawa pê bibim riza

Feqîr mame li kolana

 

Ketme pey û lêgeriham

Dît min ew bi eynî qam

Lê bi nav û çeknên heram

Feqîr mame li kolana

 

Ax! Baranek zor barîba

Ew çek li ser rakiriba

Minê ew rewa kiriba

Feqîr mame li kolana